Endrit Braimllari: Rama dhe Lleshaj dhunojnë qytetarët protestues

Pas shoqërimit dhe arrestimit të disa protestuesve nga Policia e Shtetit, partitë opozitare kanë reaguar duke sulmuar ministrin e brendshëm dhe kryeministrin e vendit.

Me një status në “Facebook”, ish-deputeti i LSI-së, Endrit Braimllari shprehet se qytetarët po dhunohen pasi protestuan për të drejtat e tyre, ndërsa pohon se shteti grabitësit e Rinasit i lë të lirë.

“Edi Rama dhe Sandër Lleshi dhunojnë dhe arrestojnë qytetarë të pafajshëm që protestojnë në të drejtën e tyre dhe lënë të lirë grabitësit shtetëror në Rinas.

Përdorimi i gazit helmues në sasi të madhe në një protestë qytetare është gjenocid.

Sandër Lleshi gjen kohë të reagojë për protestat qytetare por nuk ka asnjë fjalë për mungesën e sigurisë në vend, për numrin e lartë të vrasjeve, për grabitjen e Rinasit, për vjedhjen e hapur te Unaza e Re, për dhunën që ushtroi mbi banorët e Bulevardit të Ri duke dhunuar gra, fëmijë e të moshuar.

Kjo është fytyra e vërtetë e një qeverie të degraduar ku po përdoret një “Gjeneral i vdekur” kundër një populli. Çdo gjë mbahet shënim dhe dita kur nuk do jesh me Minister është e afërt. Ti dhe Edi Rama keni hesape për të larë me qytetarët e ndershëm të këtij vendi.”, shkruan ai.