Erion Veliaj: Nëse zgjedhjet lokale bëhen këtë dielë, fitojmë 4 nga 6 bashki

Kreu i Bashkisë së Tiranës si dhe drejtues politik i PS në këtë qark, Erion Veliaj thotë se nëse zgjedhjet lokale bëhen këtë dielë, Partia Socialiste fiton 4 nga 6 bashki.

Në një intervistë për Top Channel, Veliaj ka komentuar vendimin e Gjykatës Kushtetuese për zgjedhjet e 30 qershorit 2019 dhe thotë se: “E majta merr automatikisht katër nga gjashtë bashki dhe për dy të tjerat jemi “kokë më kokë”, sepse gjykoj që mungesa e fokusit nga problemet e njerëzve të kundërshtarëve tanë dhe fokusi për foltore dhe karrige ka bërë që publiku të kuptojë shumë qartë se kush janë ata që po luftojnë me ide dhe plane për të përmirësuar qytetet dhe kush është duke luftuar për një karrige.”