Familjarë, qytetarë dhe deputetë të mazhorancës, homazhe në nder të katër viktimave të 21 janarit

Janë mbajtur homazhet në nder të katër viktimave të 21 janarit të 2011-ës.

Të pranishëm veç të afërmve dhe familjarëve të viktimave, ishin edhe deputetë të PS, kryetarja e Kuvendit Elisa Spiropali, ndërsa kryeministri Edi Rama nuk mori pjesë në homazhe për shkak se ndodhet jashtë vendit në Forumin e Ekonomisë në Davos të Zvicrës.

Në ceremoni nuk kishte fjalime, por ishte projektuar në formë homazhi me heshtje dhe marshim.

Të pranishmit vendosën lule në bulevardin “Dëshmorët e kombit”, për të nderuar Ziver Veizin, Aleks Nikën, Hekuran Dedën dhe Faik Myrtajn.