FOTOLAJM/Ja ku gjendej Tahiri kur e kërkonte Rama

Ditën e sotme Kryeministri Edi Rama prezantoi platformën e bashkëqeverisjes me qytetarët. Ajo që bëri më shumë përshtypje ishte deklarata e Ramës së nuk po shihte ish-ministrin Saimir Tahiri në takim. Tahiri është Koordinator Kombëtar për Bashkëqeverisjen dhe mungesa në apelin që bëri Edi Rama u duk si një “braktisje”. Në media nuk munguan dhe teoritë konspirative se mungesa e Tahirit lidhet me pakënaqësitë e tij për mospërfshirjen në qeveri, anashkalimin nga vendimmarrja në PS etj, etj.

Në fakt Tahiri ishte i pranishëm në takimin e Kryeministrit. Kjo foto e marrë nga rrjetet sociale tregon se kreu i PS-së së Tiranës ndodhej në rreshtat e parë të të pranishmëve, së bashku me nënkryetaren e Grupit Parlamentar të PS, deputeten Elisa Spiropali dhe përfaqësues të tjerë të Partisë Socialiste.