Gafa e Rudinës në Kuvend: Tre ushtarakë humbën jetën në Letoni (VIDEO)

Në nisje të seancës së sotme në Kuvend, deputetja Rudina Hajdari ka kërkuar fjalën duke dalë nga rendi i ditës. Edhe pse në fakt kërkesa e saj ishte kuptimplotë dhe me një mesazh prekës, deputetja bëri një gafë.

Ajo kërkoi nga Kuvendi të mbahej 1 minutë heshtje për nder të nëntetares Zarife Hasanaj por i ngatërroi ngjarjet.

“Dua t’ju kujtoj edhe një herë se para dy ditësh Shqipëria humbi 3 ushtarë të Forcave të Armatosura ndaj duhet të nderojmë jetën dhe veprën e 3 personave”,-u shpreh Hajdari por deputetët në sallë nuk e lanë të përfundonte.

Të gjithë njëzëri kundërshtuan duke i thënë në fakt vetëm një person ka vdekur dhe jo 3 siç u shpreh Hajdari.