Gjiknuri me Gledian Llatjen dhe disa ministra, tek projekti “Ekipet sportive” të qarkut Elbasan

‘Një atmosferë fantastike në Elbasan falë ndeshjeve finale të basketbollit mes shkollave të Qarkut.

Ndeshjet e zhvilluara janë rezultat i aplikimit me mjaft sukses të projektit “Ekipet sportive” në shkolla që qëllim primar ka masivizimin e sportit.

Trofeu për shkollat 9-vjeçare shkoi për skuadrat e Prrenjasit si për vajza ashtu dhe për djem, ndërsa për shkollat e mesme u shpall fitues Cërriku për djemtë dhe Prrenjasi për vajza”-shkruan Damian Gjiknuri.

Ai duke qenë sekretar i Përgjithshëm i PS dhe drejtues politik i qarkut Elbasan ndodhet përditë në fshatrat dhe qytetet e këtij qarku të madh.

Në selinë e PS thonë me humor se “Damiani ka marrë shpi në Elbasan”, duke nënkuptuar se ai ndodhet në bazën e PS, përditë.

Bashkë me Gjiknurin ndodhet kryebashkiaku Gledian Llatja, ministrja e arsimit, Kushi dhe ministra e deputetë te PS.