Tragjedia në Gjilan, presidentja Shiroka-Pula: Asnjë rrethanë nuk mund ta justifikojë marrjen e jetës së njeriut

Presidentja e Kosovës, Justina Shiroka-Pula, reagoi ndaj krimin e rëndë në Livoç të Gjilanit, duke theksuar se asnjë rrethanë nuk mund ta justifikojë marrjen e jetës së njeriut dhe se askush nuk ka të drejtë t’i ekspozojë gratë ndaj rrezikut, dhunës apo vuajtjes.

“Me dhimbje të thellë mora lajmin për vrasjen e rëndë që ndodhi sot në fshatin Livoç i Ulët të komunës së Gjilanit, ku një grua dhe një burrë humbën jetën, ndërkaq një tjetër u plagos si pasojë e të shtënave me armë zjarri.

Në emër të institucioneve të Republikës së Kosovës dhe të qytetarëve të saj, shpreh ngushëllimet e mia më të thella për familjet e viktimave dhe shërim të shpejtë për të plagosurin.

Asnjë rrethanë nuk mund ta justifikojë marrjen e jetës së njeriut.

Askush nuk ka të drejtë t’i ekspozojë gratë ndaj rrezikut, dhunës apo vuajtjes.

Prandaj, ftoj organet e drejtësisë që ta hetojnë këtë rast me përkushtim të plotë, t’i zbardhin të gjitha rrethanat dhe t’i sjellin autorët para drejtësisë”, thuhet në reagimin e presidentes Shiroka-Pula.