Gjosha: Takimi Rama-Merkel dha mbështetjen e qartë

Takimi mes kryeministrit Edi Rama dhe kancelares gjermane ka zgjatur një orë.

Ministrja e Integrimit, Klajda Gjosha siguroi sot në një konferencë shtypi se në këtë takim Merkel kishte dhënë mbështetjen e qartë.

Kurse duke iu referuar qëndrimit të deputetit gjerman, Krichbaum, ministrja Gjosha mbajti këtë qëndrim

“Nuk jemi në fazën e vendimamarrjes së parlamentit. As nuk duhet të habitemi, as të abuzojmë me qëndrimet e deputetëve. Për ta është një proces i natyrshëm politik. Prandaj ne duhet të fokusohemi në procesin tonë”.

Sipas saj, kushti për çeljen e negociatave është vettingu, ndërsa zgjedhjet janë kriter që duhet të plotësohet.

“Zgjedhjet nuk janë kusht, por kriter që duhet të plotësojmë. Zgjedhjet janë shumë të rëndësishme. Duhet që reforma zgjedhore të përfundojë sa më shpejt”, shtoi ajo.