Ilir Meta i bashkohet protestës: Të shkarkohen ministrat përgjegjës

Pas kreut të Partisë Demokratike Sali Berisha në protestën e qytetarëve u shfaq dhe kreu i Partisë së Lirisë Ilir Meta i shoqëruar nga i biri Besarti dhe diplomati Agim Nesho, nënkryetar i kësaj partie.

“Vetëm pak kohë më parë dy qytetarë u plagosën në Jalë, në rrethana të ngjashme dhe shumë aksidente të tjera. Asnjë masë nuk është marrë për të zbatuar ligjin, jo vetëm kaq por edhe cinizmi që thotë mos na e prisni imazhin e vendit me turizmin më të mirë në rajon. Zgjidhja është protesta, dorëheqja e gjithë ministrave përgjegjës dhe kryetarit të Bashkisë ku ka ndodhur ngjarja ose shkarkimi I tyre

Qytetaret duhet të shumëfishojnë vrullin, intensitetin e protestës. Të vrasin frikën dhe të triumfojë liria. Familjet shqiptare janë në gjendjen më të rëndë nga ana ekonomike, nga problemet sociale, sa shumë të rinj të prekur nga fenomeni i drogës.

Të rrisim përgjegjësinë dhe të mblidhemi të gjithë, që kjo situatë papërgjegjshmërie të marrë fund dhe të mbrojmë fëmijët e shqiptareve dhe atdheun nga një klikë e papërgjegjshme”, tha Meta.

Me qindra qytetarë po protestojnë te Ministria e Brendshme për vdekjen e vogëlushes Jonada në plazhin e Potamit.