Ilir Meta: Rruga Qukës-Qafë Plloçë me 230 milionë euro, vjedhje e hapur

Ilir Meta sot ka denoncuar aferën e madhe në rrugën Qukës-Qafë Plloçë. Ai tha se “Doja të ndaj një shqetësim me ju para se të nisem për në Jalë për tu takuar me anëtarë të Partisë së Lirisë. Shqetësimi kryesor është korrupsioni galopant i përmasave të frikshme. Jeni njohur me fakte dhe dokumente, por do të njiheni me fakte të reja tronditëse edhe për çështje të tjera. Sot doja të ndalesha tek korrupsioni që bëhet me investimet publike, tek rrugët do të ndalesha sot, ku kostoja  e rrugëve është trefishuar katërfishuar. Si rasti i rrugës Qukës- Qafë Plloçë, 230 milionë euro, të paktën deri tani. Por do të ketë edhe më shume. Kardhiq Delvinë po ashtu” tha kryetari i PL, Ilir Meta.

Në lidhje me akuzën për bashkëpunëtorë i ish-Sigurimit të Shtetit, ai shtoi se “Lidhur me ëndrrën e fundit të pjellave më të neveritshme të ish-sigurimi dhe partisë së Kristaqit dhe Kolekës ju them se në 1 shtator do të padis penalisht autoritetin e manipulimit të dosjeve për shkelje”.