Ironia e gazetarit Lutfi Dervishi: Eurot as i kërkon dhe as i qan njeri, janë në treg

Gazetari dhe analisti Lutfi Dervishi në një postim në rrjetet sociale ka ironizuar deklaratën e Prokurorisë së Krimeve të Rënda dhe Policisë së Shtetit, ku garanton qytetarët se mbeten shumë të angazhuara për zbardhjen sa më të shpejtë të rrethanave të grabitjes, zbulimit të autorëve dhe përballjen e tyre me drejtësinë, por që në thelb janë disa hapa pas. Dervishi shkruan se nuk janë gjetur dot emrat e përgjegjësve dhe kërkojmë emrat e grabitësve.

“Eurot as i kërkon dhe as i qan njeri; janë në treg”, shkruan mes tjerash Dervishi.

Postimi i gazetarit Lutfi Dervishit

RINAS: Nuk po gjejmë dot emrat e përgjegjësve dhe kërkojmë emrat e grabitësve?! …eurot as i kërkon dhe as i qan njeri; janë në treg. Ndryshe nuk shpjegohet rënia e menjëhershme e €uros!