Konferenca Ndërqeveritare, Rama: Integrimi i Shqipërisë, çështje “për jetë a vdekje”

Është zhvilluar këtë të martë Konferenca e Parë Ndërqeveritare në Bruksel, mes Shqipërisë, RMV dhe BE.

Kryeministri Edi Rama në fjalën e tij në këtë konferencë tha se “rruga për të ardhur deri këtu, nuk ka qenë aspak e lehtë, por ne nuk u dorëzuam dhe nuk e humbëm besimin kurrë, sepse integrimi i Shqipërisë për ne është çështje “për jetë a vdekje”.

“Është e vështirë të besohet se kjo po ndodh. Për shumë kohë luftuam kundër besimit se nuk do ndodhte. Nuk na ka shkuar në mendje të hiqnim dorë. Ka një besim që i mbijeton mosmarrëveshjeve tona, nuk ka rrugë tjetër veç BE. Është ëndrra jonë, misioni fati ynë“, tha ndër të tjera Rama.