Kryetarja e Parlamentit Nikolla viziton Qendrën e Solidaritetit “Fundjavë Ndryshe”

Ditën e sotme Kryetarja e Kuvendit të Shqipërisë Lindita Nikolla ka zhvilluar një takim në qendrën e Solidaritetit në “Fundjavë Ndryshe”.
I pritur nga Drejtori Ekzekutiv i Fondacionit “Fundjavë Ndryshe” Arber Hajdari, kryeparlamentarja Nikolla vlerësoi punën dhe modelin e të rinjve e të rejave vullnetare, pjesë e këtij fondacioni.

Nikolla u njoh gjithashtu me punën që kanë bërë vullnetarët e këtij fondacioni, në ndihmë të qindra familjeve shqiptare në nevoja ekstreme të varfërisë, shëndetit, arsimit etj.

Takimi është bërë me dije nga vetë Hajdari në rrjetet sociale ku ndër të tjera bëri me dije se është dakortësuar që në të ardhmen të krijohet një bashkëpunim më i ngushtë mes Parlamentit të Shqipërisë dhe qendrës së Solidaritetit.