“Ku është Tahiri?” Ramën e shqetëson mungesa e ish-ministrit

Kryeministri Edi Rama teksa prezantonte platformën për koalicionin bashkëqeverisjes me qytetarët, është ‘shqetësuar’ për faktin se nuk e kishte parë në këtë takim ish-ministrin e Brendshëm Saimir Tahiri, të cilit aktualisht i është ngarkuar një detyrë e re, ajo e Koordinatorit Kombëtar për Bashkëqeverisjen.

Nga podiumi, Rama tha se rolin e koordinatorit i ishte caktuar Tahirit, ndërsa nuk nguroi të thoshte se ai duhet të ishte diku aty.

“Kemi caktuar një koordinator Kombëtar, Tahirin. Nuk e pash sot, por me siguri do jetë diku. Ai do vërë në dispozicion të procesit eksperiencën e tij organizative. Do bëjë pikërisht këtë gjë, me mbështetjen e të gjithëve ne. Do angazhohemi ne si qeveri dhe deputetë e të gjithë anëtarët. Si do bëhet kjo? Në fazën e parë do bëhet me fjalë, më pas me vepra.”, tha Rama.