Kuvendi i Berishës nis procesin për shkarkim, Lulzim Basha mbledh kryesinë

Kryetari i Partisë Demokratike Lulzim Basha do të mbledhë kryesinë e partisë në orën 18:00.

Kjo mbledhje vjen në një moment kur ish-kryeministri Sali Berisha që prej orësh 10:00 po mban në stadiumin “Air Albania” Kuvendin e PD-së ku ka nisur procesi i votimit per shkarkimin e Lulzim Bashes.

Në nje mesazh drejtuar demokratëve në ditëlindjen e 31 të Partisë Demokratike, Lulzim Basha u shpreh se kulti i individit s’mund të ngrihet më në asnjë formë dhe se të gjithë jemi udhëheqës që frymëzojnë udhëheqës.