LAJM I FUNDIT/ Rama, Ruçi dhe Xhafaj takohen në Kryesinë e Kuvendit

Kryeministri Edi Rama po zhvillon një takim në Kryesinë e Kuvendit me kryeparlamentari Gramoz Ruçi si dhe me Ministrin e Brendshëm Fatmir Xhafaj.

Takimi po zhvillohet në Kryesinë e Kuvendit, ndërsa nuk dihet ende se çfarë po diskutohet.

Ky takim vjen menjëherë pas kthimit të Ramës nga SHBA, si dhe pas kritikave të ashpra të ambasadorit të SHBA në Tiranë, Donald Lu.

Ky i fundit kritikoi hapur sistemin e drejtësisë në vend, duke e quajtur atë të dështuar, teksa foli për katër klane kriminale me 20 familje mafioze, që kontrollonin gjithë krimin në Shqipëri.