Lefter Koka lë qelinë, dërgohet në spital prej problemeve shëndetësore

Ish-ministri i Mjedisit, Lefter Koka është dërguar në spital. Ai ka lënë qelinë e burgut ditën e sotme për të marrë ndihmë mjekësore.

Mësohet se Koka ka pasur komplikacione shëndetësore, për shkak të problemeve me zemrën dhe gjendja e tij është e rëndë.

Ish-ministri ndodhet në burg prej muajsh për aferën e inceneratorëve. Lefter Koka u arrestua në dhjetor të vitit të shkuar, pasi akuzohet nga SPAK se ka shpërdoruar detyrën dhe ka marrë ryshfet gjatë kryerjes së detyrës.