Lindita Nikolla reagon për miratimin e propozimit francez nga RMV: Tani KE e ka rrugën të hapur!

Kryetarja e Kuvendit, Lindita Nikolla, ka reaguar sot, pas votimit të propozimit francez nga Parlamenti i Maqedonisë së Veriut.

Me anë të një statusi në Fcacebook, Nikolla u shpreh se Këshilli Evropian e ka tani rrugën të hapur për mbajtjen e Tryezës së Parë Ndërqeveritare me Shqipërinë dhe Maqedoninë e Veriut

“Parlamenti i Maqedonisë së Veriut votoi propozimin francez që i hap rrugën çeljes zyrtare të negociatave.

Një hap i madh përpara drejt familjes evropiane për Shqipërinë dhe Maqedoninë e Veriut.

Përgëzime kolegut Talat Xhaferi, Parlamentit dhe parlamentarëve të Maqedonisë së Veriut.

Sfidat e përbashkëta përballohen bashkarisht!

Tani Këshilli Evropian e ka rrugën të hapur për mbajtjen e Tryezës së Parë Ndërqeveritare me Shqipërinë dhe Maqedoninë e Veriut”, shkruan kryeparlamentarja Nikolla.