Lorenc Vangjeli: Në mesin e korrikut do kemi arrestime tronditëse për politikën!

Gazetari, Lorenc Vangjeli tha në studion e ‘Çim Peka Live’ se nga mesi i korrikut do të dalin dosje të cilat do të ndryshojë shumë gjëra në Tiranë.

Vangjeli deklaroi se do të krijohet një situatë e atillë ku në tentativë për zgjidhje do të jetë e nevojshme ndërhyja politike, në vend të asaj juridike.

“Ka një gjë që ne duhet të shikojmë. Janë një seri dosjesh shumë të nxehta me shumë personazhe  të cilët duket se do të ndryshojnë shumëçka në Tiranë. Ajo që unë besoj se është gabim nga të gjitha palët është që mendohet se do të ketë ndikim politik me mjete juridike. Në fakt nëse do të jepja një konsideratë të përgjithshme do të thosha që është bërë kaq mullar mëkati, i shpërndarë në kaq shumë personazhe saqë besoj se nuk ka zgjidhje juridike. Kjo ka nevojë dhe kërkesë për zgjidhje politike. Se çfarë do të ndodhë le të presim ndoshta mesin e  korrikut por përpara se të fillojnë pushimet nëpër studio.” – tha Vangjeli.