Lu dhe Vlahutin në zyrën e Metës

Nesër është seanca e jashtëzakonshme e parlamentit.  Ndaj pas më shumë se një muaj heshtje, ambasadori amerikan në Tiranë Donald Lu, është vënë sërish në lëvizje për miratimin e ligjive që mundësojnë zbatimin e reformës në drejtësi.

Sot ai është takuar për 60 minuta me kryetarin e PD-së, Lulzim Basha në zyrën e këtij të fundit.

Takimi zhvillohet në një kohë kur opozita ka depozituar në Kuvend amendamentet për ligjin e Vettingut. Kujtojmë që miratimi i këtij ligji është parashikuar të ndodhë në seancën e nesërme.

Mazhoranca i ka votat për ta kaluar këtë ligj, edhe sikur opozita të mos marrë pjesë në votim.

Ndërkohë që ora 16.00 Lu dhe Vlahutin janë në takim me kryeparlamentarin Ilir Meta në zyrën e këtij të fundit.

Ligji i Vettingut konsiderohet si një prej më të rëndësishmëve për zbatimin e reformës në drejtësi, pasi ka të bëjë me procesin e skanimit të gjyqtarëve dhe prokurorëve.