Lulzim Basha për aferën e inceneratorëve: Koha na dha të drejtë!

Lulzim Basha ka reaguar sërish për hetimet e SPAK lidhur me aferën e inceneratorëve dhe pas arrestimit të ish-ministrit të Mjedisit Lefter Koka, i cili del sot para Gjykatës.

Në një postim në rrjetet sociale, Basha publikon videon me deklaratat e kryeministrit Edi Rama për këtë çështje dhe thotë se “koha në dha të drejtë!”

Më tej, Basha thotë se lufta kundër korrupsionit “është jetike për Shqipërinë, pa rezultate konkrete kundër këtij armiku të mirëqenies së qytetarëve asgjë nuk mund të ndryshojë”.