U hidhet gaz lotësjellës mbështetësve të Berishës brenda selisë blu

Në momentet që flasim është hedhur gaz lotjsellës ndaj mbështetësve të ish-kryeministrit Sali Berisha, që kanë hyrë në ambientet e brendshme të selisë, pasi shqyen derën kryesore.

Mbështetësit e Berishës kanë rrethuar tashmë selinë nga të gjitha anët, ndërsa po tentohet që të hipet me shkallë mbi çati. Dera kryesore e selisë u hap nga mbështetësit, ndërkohë që kati i dytë ku është dhe Basha me mbështetësit e tij, është i mbyllur me dyer të blinduara.

Hedhja e gazit lotësjellës mbi protestuesit dukej si një veprim prej specialistësh, që nuk duken se janë punonjës të administratës së PD-së.