Mbledhja e Kryesisë së PS zgjat 30 minuta, Rama largohet në këmbë

Një ditë pas mbledhjes së Asamblesë Kombëtare, Partia Socialiste mblodhi për 30 minuta edhe Kryesinë e saj. Kryeministri ka njohur sekretarët e rinj me detyrat, po ashtu ka dhënë edhe këshilla për të gjithë ministrat.

Kur na ndajnë më pak se një vit nga zgjedhjet e ardhshme vendore, Rama është fokusuar tek fushata digjitale. Sipas tij të gjithë të zgjedhurit e PS duhet të punojnë fort që të rrisin ndjekësit e tyre, të punojnë fort për të fituar atë që e quajti beteja “online”.

Pas kësaj mbledhje kryeministri Rama udhëton drejt New York-ut. Ai u largua në këmbë, ndërsa shoqërohej me Gramoz Ruçin.