Media gjermane ZDF: Protestat në Shqipëri kundër qeverisë po rriten

Vëmendje maksimale i kanë dhënë shtypi i huaj protestës së opozitës dhe të qindra dhe mijërave shqiptarëve. Në një artikull të posaçëm nga stacioni i madh mediatik gjerman ZDF, theksohet se vala e protestave në Shqipëri, kundër qeverisjes socialiste po rritet.

Artikulli

Protestat në Shqipëri kundër socialistëve në pushtet po rriten. Ndërsa protestuesit po sulmonin Parlamentin, policia përdori gaz lotsjellës.

Protestat e mbështetësve të opozitës kundër kryeministrit Edi Rama në Shqipëri kanë çuar në përplasje me policinë.

Autoritetet përdorën gaz lotsjellës kundër demonstruesve që u përpoqën të pushtonin ndërtesën e parlamentit në kryeqytet, Tiranë. Përkrahësit e opozitës kërkuan dorëheqjen e Ramës dhe zgjedhje të drejta e të lira.

Opozita akuzon Partinë Socialiste (PS) në pushtet dhe Ramën për mashtrim dhe korrupsion zgjedhor.