Mediu: Nëse doni Vettingun, dëgjoni zërin e opozitës

Politikë E Premte, 7 Maj 2021 04:59

Kryetari i Partisë Republikane, Fatmir Mediu, mbajti dje një fjalë të gjatë në seancën e radhës të Kuvendit të Shqipërisë.

Fjalimi

Kriminalizmi që po i bëhet shoqërisë, vula kanabiste që Evropa i ka vënë Shqipërisë, procesi i Integrimit, por edhe marrëdhënia me Kosovën, kanë qenë disa prej temave që zoti Mediu ka nënvizuar gjatë fjalës së tij, si fatura që duheet paguajnë shqiptarët për keqqeverisjen aktuale.

“Ka dy lloj grabitjesh, njëra nga banditët me maskë që të vjedhin nën kërcënimin e armëve. Por ka dhe një më të madhe, t`i fusësh dorën me ligj qytetarit në xhep e t`i marrësh të ardhurat dhe fitimet sepse kështu mendon ti, sa herë që do. A mundet ata të refuzojnë që ekonomia e ndershme të zëvendësohet nga ajo e kanabisit?? Kriminalizimi që po i bëhet shoqërisë nuk është një proçes spontan, por i mirëmenduar dhe organizuar për të përjetësuar pushtetin dhe nënshtruar opozitën dhe shqiptarët. A mundet ata të refuzojnë që shteti t`i dhunojë si banditë dhe banditët të sillen si shtetarë dhe politikanë kafeve të Tiranes, duke kërcënuar këdo që është kundër pushtetit dhe lidhjeve të tij me krimin?? Sa të lirë janë shqiptaret të ndërtojnë lumturinë e tyre këtu në Shqipëri?? Pse ikin pambarimisht refugjatë e azilantë rrugëve të botës, të rinj e të reja?? Pse pushteti tallet dhe ngazëllohet me largimin e tyre masiv, largimin e atyre që dinë, duan dhe nuk pranojnë as mjerimin dhe as poshtërimin?? Pse u pëlqen një media e kontrolluar nga pushteti dhe një shoqëri e gjunjëzuar prej varfërisë, frikës dhe pasigurisë?? A kanë të drejtë ata që për 25 vite kanë mbajtur gjallë ekonominë e familjeve të tyre dhe vendit me punën në emigracion, të kenë zërin dhe votën e tyre intelektualë, profesorë, biznesmenë, studentë, bankierë e njerëz të punës apo do të përdoren si dekor për ballot e pushtetit” është shprehur zoti Mediu. Më tej ai është ndaluar dhe në procesin e integrimit, i cili ka hapur polemika të shumta për qëndrimet e opozitës, si dhe në debatin që po bëhet për bllokimin e Vettingut.

“Detyra e opozitës është të luftojë deri në fund me çdo mjet ligjor për të garantuar respektimin e Kushtetutës. Në ç`vend dhe Parlament të botës keni parë ju që opozita të mos luftojë për qëllimet e saj dhe kushtetutshmërinë? Po le të arsyetojmë pak: Po nëse nuk e doni bllokimin e Vettingun dhe nuk doni ta përdorni për qëllimet gjyqësorin për qëllime politike, atëherë; Pse nuk u ulët dhe nuk uleni të dëgjoni vërejtjet e opozitës: se nuk duhet ta bëjë qeveria Vettingun, por Komisioni që ka përcaktuar Kushtetuta dhe kështu do kishim kaluar ligjet dhe do kishim filluar implementimin e reformës. Duket qartë se jeni ju ata që nuk doni, sepse pushteti juaj dhe kontrolli politik i gjyqësorit, për ju është më i rëndësishëm se Integrimi Europian.

Integrimin Europian ju e doni si pasportë politike dhe jo si një realitet i prekshëm për shqiptarët.

Ne po veprojmë krejt ndryshe nga ju që qëllimisht dhe hapur, bllokuat për tre vjet integrimin e Shqipërisë, jo për kushtetutshmëri, por për Këshillin e Qarkut të Fierit dhe vetëm një muaj para zgjedhjeve, për shkak të pazarit elektoral me LSI, votuat” theksoi Mediu.

Një tjetër pikë ku zoti Mediu ka vënë theksin gjatë fjalës së tij, ka qenë marrëdhënia e Qeverisë Rama me Qeverinë e Kosovës, si dhe vizitat e shpeshta të tij të “miku Vuçiç”.

“Historia e Kosovës ka njohur lëvizje popullore, organizime politike, luftë, marrëveshje ndërkombëtare.Për herë të parë Presidenti Amerikan Bush vizitoi zyrtarisht Shqipërinë dhe solli dy premtime te media në Tiranë, Pavarësinë e Kosovës dhe anëtarësimin e Shqipërisë në NATO. Keto I deklaroj atje te Kryeministri a në atë godine ku, historinë nuk e bëjnë bukuria e zyrave, por puna në gjithë këto vite. Po nëse ju çmoni si parësore, miqësinë me Serbët dhe Vuçiçin si shumë të rëndësishme sipas jush, dhe nuk kuptoj se ku qëndron kjo në interesin ekonomik, të sigurisë apo kombëtar, atëherë si qënka më pak e rëndësishme marrëdhënia dhe rakordimi i qëndrimeve tona me Kosovën?? Si mos të kuptojmë se Kosova ka sot peshën e saj në skenën botërore, jo për shkakun tonë, por për shkak të interesit dhe ndërmjetësimit të Ëashingtonit dhe Brukselit. Çdo deklaratë patriotike mund të ndezë dëshirën dhe të na përkëdhelë sedrën si shqiptarë, por cfare zgjidh apo nuk zgjidh, sepse puna dhe zgjidhjet janë me vlerë historike ato mbeten” ka deklaruar zoti Mediu.