Ministrat Mazniku dhe Gonxhe: Projekte konkrete këto që do t’i japin Elbasanit vëmendjen që meriton

“Së bashku me Arbin, Ministrin e Shtetit për Pushtetin Vendor, diskutuam konkretisht e me detaje, mbi projekte të cilat lidhen me Elbasanin dhe gjithë qarkun.
Investime duke filluar nga rijetëzimi i Kalasë së qytetit në bashkëpunim me AADF, që synon të rikthejë në vëmendje trashëgiminë kulturore, te revitalizimi i Metalurgjikut, një projekt i ri mjaft ambicioz dhe deri te projekti i shumëpritur i Auto Moto Park Albania në Krastë, një destinacion i ri që do të sjellë zhvillim inovativ dhe turistik në zonë.
Projekte konkrete këto që do t’i japin Elbasanit vëmendjen që meriton”, shkruan ministri i Ekonomisë, Blendi Gonxhe në një postim në rrjetet sociale.