Ministri Çuçi: Policia dëshmoi se është një trupë e depolitizuar, nuk tolerohen aktet e dhunës

Ministri i Brendshëm, Bledi Çuçi, reagon për protestën e zhvilluar sot para selisë së PD, të thirrur nga Sali Berisha.

Ministri Çuçi vlerëson punën e policisë, që sipas tij, sot dëshmoi se është një trupë e depolitizuar dhe tërësisht e angazhuar për të siguruar jetën dhe pronën e qytetarëve.

“Policia e Shtetit tregoi edhe njëherë sot një sjellje profesionale në garantimin e rendit dhe sigurisë publike. Dëshmoi gjithashtu se është një trupë e depolitizuar dhe tërësisht e angazhuar për të siguruar jetën dhe pronën e qytetarëve. Protestat paqësore janë themelore në demokraci, por aktet e dhunës dhe tentativat për të cënuar rendin publik nuk do të tolerohen. Policia e Shtetit është e vendosur për të vijuar punën dhe misionin që i ngarkon ligji. Përgëzime@PoliciaeShtetit”, thekson ministri Çuçi.