Ministria e Mbrojtjes Olta Xhaçka: Nuk ka pse njoftohet Presidenti!

Presidenti Republikës Meta në cilësinë e Komandantit të Përgjithshëm të Forcave të Armatosura ka kërkuar zyrtarisht shpjegime Shefit të Shtabit të Përgjithshëm arësyen e nxjerrjes së forcave të ushtrisë jashtë kazermave pa vendim parlamenti. Sapo u bë publike kërkesa e Presidentit, mënjëherë kryeministri Rama urdhëroi shefin e shtabit të përgjithshëm si dhe ministren e Mbrojtjes të shkonin në Rinas për t’ju përgjigjur Presidentit Meta.

Ministrja e Mbrojtjes Olta Xhaçka në një prononcim për mediat, ka folur për grabitjen në Rinas. Ajo tha se aeroporti është një infrastrukturë e NAO-s, ndaj edhe Ministria e Mbrojtjes është e detyruar të sigurojë sigurinë.

Sipas ministres nuk jemi në një situatë emergjente dhe se nuk kemi cenim të sigurisë kombëtare.

“Nuk kemi dislokim trupash. S’kemi cenim të sigurisë kombëtare . Deri në garantimin e sigurisë ushtria do jetë në Rinas. Do të patrullojmë perimetrin e sigurisë në aeroport. Si dhe nuk do merren masa për sigurinë e brendshme në aeroport. Nuk jemi në një emergjence.”-tha ajo.

Ministrja Xhaçka tha se kjo është në përputhje me ligjin dhe se nuk ka pse njoftohet Presidenti, duke u munduar të justifikojë urdhërin e kryeministrit, që në fakt ka kryer një puç ushtarak.