Mustafaj: Jam votues i PD, deputetët që po shkojnë në Kuvend nuk më përfaqësojnë

Ish-diplomati dhe analisti i njohur Besnik Mustafaj, u shpreh se kandidatët nga PD që morën mandatin e deputetit në Parlament, nuk janë legjitim.

I ftuar në studion e News 24, teksa pranon se ka votuar për PD dhe s’e ka problem ta thotë publikisht, shprehet se “Këta që po shkojnë në Parlament nuk kanë anën morale, shkojnë për të qenë numra dhe nuk përfaqësojnë interesin e elektoratit”.

“Në përgjithësi në një sistem demokratike dhe opozita ka dy elementë që e përbëjnë atë. Është elementi aritmetik, nëpërmjet numrave dhe në aspektin moral. Në rastin konkret kur opozita ishte numerikisht ishte e pamundur të ndikojë në ligjvënien dhe në drejtimin e vendit. Këta që po shkojnë nuk kanë anën morale, shkojnë për të qenë numra dhe nuk përfaqësojnë interesin e elektoratit. Mua nuk më përfaqësojnë ata. Këta nuk janë moralisht legjitim”.

Më tej ai komentoi gabimet, sipas tij, të bëra nga kreu i Partisë Demokratike, Lulzim Basha në qasjen dhe marrëdhënien që ka mbajtur me shoqërinë civile në vend.

“Basha ka filluar që në 2015, një hapje ndaj shoqërisë civile dhe një tentativë për të vendosur urë lidhëse me shoqërinë civile nga fusha të ndryshme, e gjerë tek analistët e mediave shqiptare. E keqja e Bashës, ka qenë se ka shkuar në këto takime dhe ka qenë i relaksuar nuk ka mbajtur shënime dhe nuk i ka analizuar konkluzionet”, tha ai.