Nis seanca në Gjykatën Kushtetuese. Presidenti jep përgjigje për 70 pyetjet e gjyqtarëve, Dervishaj: Kam sjellë fakte të reja

Në Gjykatën Kushtetuese ka nisur në orën 10:08 seanca e tretë për shqyrtimin e kërkesës për shkarkimin e Presidentit Ilir Meta.

Në ambientet e Kushtetueses mbërritën Taulant Balla dhe Koltilda Bushka nga mazhoranca, ndërsa presidenti do të përfaqësohet nga jursitët e presidences.

Në nisje të seancës, kryetarja e Gjykatës Kushtetuese, Vitore Tusha, është shprehur se “Kuvendi na vuri në dispozicion përgjigjet e pyetjeve. Dokumentet e Kuvendit u janë shpërndarë anëtarëve të trupit gjykues dhe një kopje e tyre i është dërguar Presidentit”.

Juristi i Presidentit Dervishaj i ka paraqitur një kërkesë të re gjykatës. Dokumentet e kuvendit u janë shpërndarë anëtarëve të trupit gjykues dhe një kopje e tyre i është dërguar presidentit.

Dervishaj: I kemi materialet edhe në flash dhe do përdorim laptopin e gjykatës që është i certifikuar.

Bushka: Duam të kuptojmë se për çfarë është kjo kërkesë, ka të bëjë me përgjigjet e pyetjeve, apo diçka tjetër.

Tusha: Mund t’ju vëmë në dispozicion laptopin e gjykatës në funksion të procesit.

Dervishaj: Kam marrë laptopin e punës dhe do më ndihmonte për të shpjeguar, kam sjell prova dhe fakte të reja.