Nuk e vrau varka, por shteti! Protestë sot për vdekjen e 7-vjeçares në Himarë

“Nuk e vrau varka, por shteti” është motoja e protestës që do të mbahet para ministrisë se Brendshme në orën 19:00.

Protesta do të mbahet në homazh të 7-vjeçares Jonada Avdia, që u vra tragjikisht nga një skaf teksa luante në breg të plazhit të Potamit.

7-vjeçarja e lindur në Angli, kishte ardhur me familjen për pushime kur një skaf, i drejtuar nga komisari i Policisë, Arjan Tase humbi kontrollin dhe përplasi vogëlushen.

Kjo protestë është thirrur nga shoqëria civile, ndërsa bëhet e ditur se do të kërkojnë dorëheqjen e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nanos dhe ministres Kumbaro.