“Nuklat e inovacionit”, Qeveria Rama nga shtatori me qendër të re pranë çdo ministrie

Qeveria vendos krijimin e një qendre pranë ministrive shqiptare që ka në fokus inovacionin. Në mbledhjen e sotme të Këshillit të Ministrave është vendosur krijimi i nuklave të inovacionit.

“Nga ky shtator do të bëhet krijimi i nuklave të inovacionit nëpër çdo ministri. Kjo kërkesë e kryeministrit lindi për shkak të zhvillimeve inovative që ndodhin në Shqipëri.

Duke pasur këto zhvillime teknologjike ne na ka lindur nevoja që brenda ministrive tona të kemi nukla inovacioni, do propozojnë projekte të reja. Do na duhet që të dalim në tregun shqiptar për të përthithur sa më shumë njerëz të dhënë ndaj inovacionit. Për të qenë sa më konkurrues, duke ditur pagat për këtë sektor, ne kemi vendosur që ta aplikojmë siç kemi bërë me disa kategori të administratës të paguhen me paga më të larta se sa sektorët e tjerë.
Në ditët në vijim ne do të kemi mundësi që brenda vjeshtës t’i kemi të disponueshme në çdo ministri. Sot kemi diskutuar gjithashtu për një vendqëndrim të përbashkët të secilës prej këtyre nuklave.
Praktika të mira ndërkombëtare. Në vazhdim do të informojmë publikun për këtë vendimmarrje te qeverisë shqiptare për t’i dhënë inovacionit një frymëmarrje sa më të madhe”, deklaroi Balluku.