Oerd Bylykbashi: Më 14 maj do i japim përgjigjen “klikës grabitqare”

Nënkryetari i PD-së, Oerd Bylykbashi, tha nga Durrësi se më 14 maj opozita do i japë përgjigje qeverisë së korruptuar.

“Durrësi në kthetrat e qeverisjes socialiste, në një grabitje masive 23-vjecare. Durrësi simbol që tregon se kur qeveris keq një qytet si përfundon. Nuk u ofron më të rinjve asgjë e largohen. Detyrë e madhe e jona t’i përgjigjemi një sfide të jashtëzakonshme. Grabitja e Portit nuk është thjesht akti i radhës korruptiv por vjedhja më e madhe e pasurisë publike që i bëhet shqiptarëve. Të mobilizohemi për t’i dhënë përgjigje kësaj. Nuk mund të presim verdiktin nga gjykatat që ka në kontroll Rama. Më 14 maj me Igli Carën që e kemi zgjedhur të na përfaqësojë në këtë sfidë të madhe, jam i sigurt që të gjithë do i japim përgjigjen kësaj klike grabitqare e do kthejmë mirëqeverisjen me mesazhin që nga Durrësi fillon fitorja”, pohoi Bylykbashin.