Olivér Várhelyi mbërrin më datë 28 prill në Tiranë, takon Edi Ramën

Për shkak të frikës së ndikimit rus në Ballkan, Brukseli ka shtuar vëmendjen. Ndaj dhe eurokomisioneri për Zgjerimin, Olivér Várhelyi do të bëjë përpjekjen e fundit për Shqipërinë dhe Maqedoninë e Veriut përpara samitit të liderëve të unionit.

Vizitat zyrtare nisin më 25 prill, ku zyrtari i Lartë i BE-së do të takojë liderët e Kroacisë, Bullgarisë, Maqedonisë së Veriut dhe përfundon më datë 28 prill me Shqipërinë, ku do të ketë edhe një konferencë me kryeministrin Rama në orën 14:30.

Olivér Várhelyi do të kërkojë nga Bullgaria që të heqë veton ndaj Maqedonisë së Veriut, për të mos e penguar atë në procesin e integrimit europian.