Patozi ironi me Grida Dumën: “Kolege” e Berishës, yll në ngjitje i Bashës

I ftuar në emisionin “Kjo javë” të gazetares Nisida Tufa në News 24, ish-deputeti i PD, Astrit Patozi nuk e ka kursyer ironinë për deputeten e re Grida Duma. Ndonëse tha se nuk dëshiron ta komentojë, nuk mungoi etiketimit ”kolege e zotit Berisha”, një term me të cilin vetë znj.Duma i është drejtuar ish-kryeministrit në një nga mbledhjet e PD-së.

“S’më shkon shumë që të kem koment për yjet në ngjitje të listës Basha aq më tepër që këta janë kolegë të zotit Berisha. Unë uroj që kjo të mos jetë një paradhënie e asja që mendon zoti Basha. Në rast se zoti Basha mendon kështu do jetë shumë keq për atë vetë”,-tha Patozi.