PD heq Mesila Dodën si koordinatore në Tiranë pse qëndroi në Kuvend

Për shkak të vendimit të marrë dy ditë më parë ku Mesila Doda qëndroi në Kuvend për votimin e arrestimit të dy deputetëve, një masë ndëshkuese tashmë eshtë marrë për të nga Partia Demokratike.

Mësohet se PD ka vendosur që t’i heqë deputetes të drejtën për të qënë pjesë e procesit të përzgjedhjes së kandidatëve dhe përgatitjes së fushatës elektorale për Bashkinë e Tiranës.

Burimet kanë thënë se Mesila Doda ishte vendosur për të drejtuar grupin e punës për Njësinë 1 në Tiranë. "Panorama" shkruan se pas thyerjes së vendimit të Grupit Parlamentar, Mesila Doda nuk do ta ketë më këtë detyrë. Në vend të saj do të jetë kreu i sekretariatit për shoqërinë civile në PD, Nevila Xhindi.