Pranon mandatin, qëllohet me bojë Ralf Gjoni (FOTO)

Pasi pranoi mandatin e deputetit dhe ishte gati për të shkuar në Kuvend, për të bërë betimin, kandidati për deputet i LSI-së Ralf Gjoni është qëlluar me bojë të kuqe.

Ngjarja ka ndodhur te hyrja e pallatit, ku i riu me të parë kandidatin për deputet Gjoni, është çuar në këmbë dhe i ka derdhur në fytyrë një bojë të kuqe nga shiringa që mbante në duar, e më pas është larguar me vrap.

Gjoni tha se e pranoi të merrte mandatin e deputetit pas konsultimeve me të huaj. Pas incidentit, Gjoni ka treguar për mediat se si pasojë e bojës, ka djegie të syve dhe se boja nuk i hiqet nga fytyra.