Presidenti Meta: I tronditur nga lajmi për ndarjen nga jeta të major Klodian Tanushit

Presidenti Ilir Meta ka reaguar pas ndarjes nga jeta të major Klodian Tanushit. Meta shprehet se ndihet i tronditur nga lajmi i hidhur.

“I tronditur nga lajmi i hidhur i ndarjes nga jeta të Komandantit të Kontingjentit ushtarak shqiptar në misionin e NATO në Letoni, major Klodian Tanushi. Në këto momente shumë të vështira për familjen Tanushi, me zemër jam pranë bashkëshortes dhe tri fëmijëve të tij, duke u shprehur ngushëllimet më të sinqerta! U prehsh në paqen e përjetshme heroi ynë!”,- shkruan Presidenti Meta, në një reagim në rrjetet sociale.