Prokuroria tek selia e PD, merr audio-përgjimin

Partia Demokratike, dje bëri publike një audio-përgjim ambiental, që sipas saj tregon se organet ligjzbatuese kanë dijeni për aktivitetin kriminal të Agron Xhafajt, dhe sot oficerët e policisë gjyqësore janë parë në selinë blu për të kërkuar këtë audio-përgjim.

Mësohet se oficerët e policisë gjyqësore, kanë shkuar në orët e para të mëngjesit tek selia PD, për të kërkuar këtë audio-përgjim. Demokratët akuzojnë ministrin Xhafaj se ka gënjyer kur më parë është shprehur se i vëllai Agroni i ka vuajtur pasojat ligjore të gabimeve të veta.

Nga ana tjetër, Agron Xhafaj ka dorëzuar kallëzim penal ndaj tre zyrtarëve të Partisë Demokratike, Enkelejd Alibeaj, Gazment Bardhi dhe Ervin Salianji.