Protesta, Basha mbërrin në selinë e PD, shoqërohet nga bashkëshortja

Një orë para nisjes së protestës së opozitës, e teksa protestuesit janë në mbërritje, të nisur nga rrethet, kreu i PD-së, Lulzim Basha ka hyrë në seline blu, e cila është e mbushur me mbështetës e simpatizantë.

Basha ishte në shoqerinë e bashkëshortes së tij, Aurela, teksa ka hyrë në seli, për koordinimet e fundit.

Një muaj pas protestës së 16 shkurtit, kur morën vendimin për djegien e mandateve, deputetët e opozitës do të jenë sërish në krah të qytetarëve pa imunitetet parlamentare, por me të njëjtën kërkesë: Largimin e qeverisë.

PD bën me dije se protesta do të ketë një pjesëmarrje të madhe, pasi sipas saj, nga rrethet janë nisur 60 mije protestues.