Protesta e opozitës pasqyrohet edhe nga media kineze

Nga SHBA-ja në Europë dhe deri në Kinë. Protesta e opozitës e zhvilluar ditën e djeshme ka zënë faqet e para të mediave më të mëdha në botë.

Madje edhe media kineze “xinhuanet.com”, i ka kushtuar një artikull protestës së djeshme me titull: Përleshjet e opozitës shqiptare me policinë në protestën anti-qeveritare.

Lexoni shkrimin e plotë:

Tubimi i partive opozitare shqiptare të mbajtur në kryeqytetin e Tiranës u bë i dhunshme kur mbështetësit u përleshën me policinë përpara zyrës së kryeministrit dhe ndërtesës së parlamentit.

Partitë shqiptare të opozitës u kërkuan mbështetësve të bashkohen me protestën, duke kërkuar që Kryeministri Edi Rama dhe kabineti i tij të jepnin dorëheqjen dhe të mbaheshin zgjedhjet e parakohshme parlamentare.

Mijëra mbështetës të opozitës nga e gjithë Shqipëria u mblodhën rreth orës 6:00 të pasdites së të shtunës para zyrës së kryeministrisë, duke mbajtur postera dhe sllogane antiqeveritare dhe duke u hedhur fishekzjarrë forcave të policisë.

Protestuesit thyen kordonin e policisë në hyrjen kryesore të ndërtesës së qeverisë, teksa udhëheqësi kryesor i Partisë Demokratike Lulzim Basha ishte duke dhënë një fjalim.

“Ne kemi rrethuar këtë qeveri, vendi ka nevojë urgjente për rotacion politik dhe nuk do të bëjmë asnjë kompromis përsëri”, tha Basha.

Protestuesit e udhëhequr nga Basha më vonë u zhvendosën në ndërtesën e parlamentit dhe u përpoqën të hyjnë në selinë e parlamentit. Forcat e policisë hodhën gaz lotsjellës për të zmbrapsur protestuesit.

“Protesta duhet të vazhdojë të jetë paqësore dhe konfrontimet duhet të shmangen”, tha presidenti shqiptar Ilir Meta, duke bërë thirrje për një protestë paqësore ndërsa protesta po përshkallëzohej.

“Edhe sot, dhuna e verbër ndikon në institucionet kushtetuese dhe në Policinë e Shtetit të Shqipërisë. Policët u plagosën dhe kjo është një turp dhe një shkelje e ligjit”, reagoi  ministri i brendshëm shqiptar Sander Lleshaj.

Ndërsa kryeministri Rama shprehu në Twitter solidaritetin e tij me oficerët e policisë.

“Solidariteti me çdo oficer policie i cili në një ditë si kjo duhet të ballafaqohet me ekzagjerimin fizik të një politike të dëshpëruar, pa kokë, të pa menaxhuar pa të ardhme. Keqardhje për oficerët e policisë të plagosur nga goditjet e dy partive të verbëra duke marshuar në rrugën e tyre “, tha Rama.

Më shumë se 1,500 policë u angazhuan për të mbajtur rendin gjatë protestës së opozitës. Policia e rrethoi zyrën e kryeministrit me gardhe hekuri, ndërsa perimetri përreth u monitorua me kamera sigurie.

Kjo është protesta e nëntë e organizuar nga partitë opozitare shqiptare, të cilët thanë se qeveria aktuale është e korruptuar dhe e lidhur me krimin e organizuar.

Ligjvënësit e opozitës kanë djegur mandatet e tyre në fund të shkurtit dhe kanë refuzuar thirrjet e Bashkimit Evropian dhe organizatave ndërkombëtare për të mbajtur dialog me qeverinë dhe për t’i dhënë fund krizës politike.

Linku origjinal: http://www.xinhuanet.com/english/2019-04/14/c_137975815.htm

/Koha Jonë/