Protesta e opozitës, reagon Ambasada e SHBA-së

Ambasada Amerikane në Tiranë ka reaguar për protestën e opozitës, e cila do të mbahet nesër. Me anë të një mesazhi në profilin zyrtar të “Facebook”, Ambasada i drejtohet protestuesve që do të marrin pjesë në protestën e thirrur nga opozita, se çdo akt dhune është i paligjshëm.

Postimi i plotë

E drejta për t’u përfshirë në protesta paqësore është një e drejtë themelore demokratike. Përgjatë muajve të fundit, pjesa më e madhe e pjesëmarrësve kanë ushtruar të drejtën e tyre për të protestuar paqësisht. Megjithatë, në çastin kur një protestë paqësore njolloset nga një akt dhune, qoftë edhe nga një individ, qëllimi demokratik i protestës kompromentohet. Është e paligjshme dhe jo demokratike të kryesh akte dhune, përfshirë edhe shkatërrimin e pronës. Iu bëjmë thirrje të gjithë personave të përfshirë në protestën e së shtunës që të refuzojnë dhunën për të siguruar një protestë paqësore dhe konstruktive.