Protesta frikëson qeverinë! Kryeministria rrethohet me kangjella metalikë, në terren dy mijë forca policie

Protesta e sotme që pritet të nisë në orën 16:00, duket se ka frikësuar qeverinë.

Pak orë para nisjes së kësaj proteste të thirrur nga ish-kryeministri Sali Berisha, në ambientet e jashtme të Kryeministrisë janë vendosur kangjellat metalike.

Bëhet e ditur se në terren do të jenë rreth 2000 forca policie për të siguruar rendin dhe sigurinë gjatë zhvillimit të protestës që do të nisë në orën 16:00 nga selia blu dhe do të vijohet drejt Kryeministrisë.

Sipas njoftimit të shpërndarë nga Berisha, objekti i protestës do të jetë takimi që do zhvillohet në këto dy ditë në Shqipëri mes Kryeministrit Rama, Presidentit serb, Aleksandër Vuçiç, dhe Kryeministrit të Maqedonisë së Veriut, Zoran Zaev, në kuadër të projektit “Ballkani i Hapur”.