Lulzim Basha, ka qenë i ftuar në emisionin “Të Paekspozuarit” në MCN TV, ku ka folur për Koalicionin Euroatlantik, me të cilin ai kandidon për deputet, por nuk është kryetar pasi ka caktuar Endri Hasën për këtë rol.
I pyetur se përse e ka bërë këtë, Basha tha se është ende në gjyq për vulën e Partisë Demokratike.
Pjesë nga biseda:
Ylli Rakipi: Keni themeluar Koalicionin Euroatlantik, por si kryetar keni caktuar Endri Hasën. Pse nuk je vetë kryetar? Apo në rast dështimi, i mbetet Endri Hasës?
Lulzim Basha: Drejtuesi politik jam unë, por jam akoma në gjyq për legjitimitetin e Partisë Demokratike.
Ylli Rakipi: Atë nuk ta japin sikur të kërcesh napolonin…
Lulzim Basha: Atë nuk e di ti.
Ylli Rakipi: Po ti dije të gjitha gjërat ti, nuk mbërrije këtu.
Lulzim Basha: Rëndësi ka vetëm kjo, Koalicioni Euroatlantik numri 4 është garancia për të luftuar korrupsionin.
Ylli Rakipi: Pra Endri Hasën e keni caktuar për efekt të gjyqit?
Lulzim Basha: Numri 4, Koalicioni Euroatlantik. Votoni për familjen tuaj dhe kundër korrupsionit.
***
Enton Abilekaj: Shumica e njerëzve me të cilët hytë në betejën ligjore për PD kanë hequr dorë nga kjo. Ju pse nuk hiqni dorë?
Lulzim Basha: Nuk heq dorë nga kauza. Kauza ime ka të bëjë me një ofertë ndaj njerëzve. Pastaj janë njerëzit që e vendosin. Detyra ime është të jap ofertë. Pse do të heq dorë? Të kemi zgjedhje pa zgjidhje? Votoni numrin 4, Koalicionin Euroatlantik.
Enton Abilekaj: Logo e PD për çfarë ju duhet?
Lulzim Basha: Nuk i takon aktualitetit kjo. Është në gjykatë, do ti shkojmë deri në fund.
Enton Abilekaj: Te lista e Koalicionit Euroatlantik mund të ishte emri juaj dhe të merrni më shumë vota. Por po bëni sakrificë për një vulë që është andej.
Lulzim Basha: Andej është Ilir Meta…