Rama drejt zyrës së Metës, detyrohet të ndryshojë derën

Kryeministri Rama ka vijuar takimet e përjavshme me kreun e Kuvendit, Ilir Meta, në zyrën e këtij të fundit. Në orët e para të ditës, Rama është parë të shkojë në Kryesinë e Kuvendit, por jo nga dera që hyn gjithmonë, përballë vilës qeveritare.

Kjo për shkak se shoqata e importuesve të mbetjeve po zhvillonte një protestë për miratimin sa më shpejt të ligjit që është në Kuvend.

Rama është parë të hynte nga dera që është përballë zyrës së tij në Bulevardin “Dëshmorët e Kombit”. Takimi i tyre vjen vetëm një ditë pasi kreu i Qeverisë vlerësoi publikisht rolin e Ilir Metës dhe partisë së tij në miratimin e reformave në vend.