Rama: Gjykata Kushtetuese do vonojë procesin e Vettingut si bëri me pronat

Kryeministri Edi Rama dyshon se Gjykata Kushtetuese do të vonojë procesin e Vetingut duke sjellë shembullin me ligjin e pronave.

Kreu i qeverisë thekson se kemi qenë shumë të inkurajuar nga treguesit e antikorrupsionit në Transparence International.

“Kam arsye të dyshoj që gjykata Kushtetuese do të sillet me opinionin ashtu siç të gjithë ne dëshirojmë pasi kemi shenjë të parë jo shumë inkurajuese të sjelljes së Gjykatës Kushtetuese me opinionin e Komisionit të Venecias me ligjin e pronave. Gjykata kushtetuese ka bërë me ligjin e pronave një ndërhyrje që bie ndesh me opinionin e Komisionit të Venecias të cilin e ka kërkuar po vetë si një opinion jo detyrues, por në botën e qytetëruar kur kërkohet opinioni konsiderohet i pakontestueshëm, në bazë të një marrëveshjeje të pashkruar. Duke e mbyllur më lejoni t’ju them se kemi qenë shumë të inkurajuar nga barometri i fundit antikorrupsion i Transparence International, ku Shqipëria është renditur me kuota shumë të larta për vullnetin e qeverisë për të luftuar korrupsionin”, tha Rama.