Rama: I gatshëm të shkoj në Prokurori për publikimin e pagave

Kryeministri Edi Rama ka shprehur gatishmërinë për të bashkëpunuar me Prokurorinë për të zbardhur skandalin e publikimit të pagave të mbi 600 mijë shqiptarëve.

Në një konferencë për mediat, kryeministri Rama u shpreh se nëse Prokuroria kërkoj të dëgjojë opinionin e tij mbi këtë skandal, është i gatshëm që ta thotë.

“Në qoftë se prokuroria do të dëgjojë opinionin tim, unë jam gati t’ua them. Nuk e them publikisht, se nuk dua të bëj politikë. Unë e kam shumë të qartë se për çfarë mund t’u duhen pagat atyre që kanë hedhur në treg databazën e patronazhistëve”, u shpreh kryeministri Rama.