Rama i përgjigjet Ministrisë së Jashtme bullgare: Thjesht përsërita të njëjtat gjëra që thashë në qershor

Kryeministri Edi Rama ka reaguar me një postim në Twitter për t’iu përgjigjur Ministrisë së Jashtme të Bullgarisë, e cila shprehej në një deklaratë zyrtare se “i refuzon me vendosmëri sugjerimet e tij si të papranueshme dhe të pahijshme për sjelljen e një kryeministri të një vendi kandidat për anëtarësim në BE”.

Deklarata nga Sofia zyrtare lidhet me ato ç’ka Rama tha në samitin e Bled-it në Slloveni dhe thekson se “retorika antibullgare e Edi Ramës, është kthyer në një refren të përhershëm të fjalimit të tij politik”.

Ndërkohë, kreu i qeverisë shqiptare në përgjigjen e tij ka thënë se:

“Ndoshta dikush duhet të ndihmojë miqtë tanë të Ministrisë së Jashtme bullgare me përkthimin e qetë të përgjigjes sime në Bled se si Bullgaria bllokoi hapjen e bisedimeve të anëtarësimit për 🇦🇱&🇲🇰 kur më në fund të gjithë të tjerët ranë dakord pas 8 vitesh të gjata! Thjesht përsërita të njëjtat gjëra që thashë në qershor”.

If the Foreign Ministry of Bulgaria had nothing more important today then a public statement about something I said in a panel of the Bled Strategic Forum, I cannot but take it as a great compliment for the forum and the panel, including myself! But seriously, this is undeserved.

— Edi Rama (@ediramaal) August 31, 2022