Rama: Koncesioni i sterilizimit ka ulur infeksionet. SPAK-u të hetojë, por nuk cënon dot suksesin e PPP

Kryeministri Rama nga Sllovenia ka ardhur direkt te spitali “Shefqet Ndroqi” në Tiranë. Hetimet e SPAK për këtë PPP nuk e stepin kryeministrin të ripohojë se ka bërë gjenë e duhur.

“Në një nga 17 centralet e reja të krijuara falë PPP-së së sterilizimit, që kanë garantuar një standard krejt të ri sigurie për ndërhyrjet operatore, duke e kthyer njëherë e mirë faqen e turpit e të pasigurisë në sallat e operacioneve, duke ulur në minimum fenomenin e vjetër të infeksioneve post-operatore si pasojë e mungesës së sterilizimit të vërtetë, si edhe duke i kursyer shtetit dhjetëra miliona euro nga ulja e ditëve të qëndrimit në spitale pas operacioneve.
Hetimi i SPAK-ut për abuzime të mundshme në procesin e ndërtimit të këtij Partneriteti Publik Privat, nuk e cënon aspak suksesin e prekshëm të kësaj nisme madhore të qeverisë shqiptare për Rilindjen e Shëndetësisë, por siguron që askush të mos mbetet i pandëshkuar nëse ia bën me hile shtetit dhe popullit shqiptar, duke nxjerrë përfitime vetjake të paligjshme gjatë kryerjes së detyrës në punën për qëllimin e përbashkët”, shprehet Rama.

Indirekt kryeministri ka lëshuar mesazhe SPAK-ut se kjo PPP është korrekte dhe e duhura, paçka se ndonjeri ka ia bërë me hile shtetit.