Kryeministri Edi Rama dhe ministrja e Shëndetësisë dhe Mbrojtjes Sociale, Albana Koçiu kanë inspektuar punimet për rikonstruksionin e Spitalit Universitar Obstetrik Gjinekologjik “Mbretëresha Geraldinë”, një investim i buxhetit të shtetit.
“Pritet të hapë dyert së shpejti krahu modern i kompleksit, me kushte optimale dhe aparatura të fjalës së fundit, ndërkohë që do të nisë edhe rindërtimi i pjesës së vjetër.
🔹 360 shtretër për pacientët
🔹 Dyfishim i shtretërve në terapinë intensive
🔹 7 salla operacioni & 6 salla lindjeje
🔹 Sallë urgjence dhe kushte optimale për triazhin
🔹 Shërbim i modernizuar i neonatologjisë dhe Qendër e re e Prematuritetit për kujdesin ndaj nënave me shtatzëni të rrezikuar dhe foshnjave të lindura para kohe.
20 mijë paciente në vit dhe një trupë mjekësore e nivelit të lartë do të kenë në dispozicion një maternitet të standardeve më të mira europiane”, u shpreh Rama.
Ministrja Koçiu deklaroi se punimet pritet të përfundojnë brenda këtij viti.
“Rikonstruksioni i maternitetit “Mbretëresha Geraldinë” po realizohet në dy faza. Faza e parë që ka të bëjë edhe me ndërtimin e godinës kryesore diku te 6 mijë metër katrorë dhe ka përfunduar në fund të vitit që shkoi. Në godinën e re, 3 kate mbi tokë dhe 1 kat nëntokë janë shërbimet kryesore, shërbimi obstetrikë-gjinekologjisë, shërbimi i imazherisë, qendrën e gruas që është e gjitha e ndërtuar e re”, u shpreh Koçiu.